EMAIL

Yening semeton titiang jagi ngirim email, rarisang ring email puniki wsumeken@yahoo.co.id

PIUNING INDIK JAGI MECIKANG BATARAN PELINGGIH BALE PELIK/PESAMUAN

Selisihan, 6 Juni 2010
Katur Ring :
Para Sameton Pasek Dangka

Om Swastyastu

Angayu bagia titiang aturang ring sameton Pasek Dangka, melarapan antuk pasuecan Ida Hyang Widhi Wasa kalih ida Bhatara Kawitan prasida ngemangguhin kerahayuan tur kerahajengan. Titiang sane ngangganin semeton Pasek Dangka Selisihan prasida ngerahuhin mekadi sameton sareng sami melarapan antuk suwala patra puniki.

Titiang pacang ngaturang daging sangkepan semeton Pasek Dangka Selisihan sane magenah ring Desa Selisihan, sane sampun kelaksanayang ring :
Rahine/pinanggal : Saniscara, 5 Juni 2010
Indik daging sangkepan sekadi ring sor :
1.Mecikang bataran pelinggih Bale Pelik/Pesamuan, prebeya sane ketelasang kirang
langkung Rp. 30.000.000 (telung dasa juta rupiah).
2.Mecikang Piasan, prebeya sane ketelasang Rp.
45.000.000(petang dasa lima juta rupiah).

Sesampune kepah, soang – soang semeton Pasek Dangka Selisihan sane nyucuk naur paturunan sami pada Rp. 600.000, ( telungatak tali rupiah )”. Indik penauran peturunan yening wenten kebrebehan/kapialang dados ketaur ping kalih odalan/wali, ngawit bulan Juni 2010 ngantos bulan April 2011.

Titiang taler nunas majeng ring para sameton Pasek Dangka sane nyucuk wiadin nenten nyucuk, dumadak dumadik prasida ngaturang dana punia melarapan antuk sangkaning bakti ring Ida Bhatara Kawitan .

Penauran peturunan lan dana punia dados kekawitan ngawit sualapatra puniki kasurat tur katerima majeng ring para sameton.

Pinih ungkur yening wenten atur titiang nenten manut sejeroning kayun, titiang nenten lali nunas pengampura Suksma,
Om Shantih Shantih Shantih Om.




Klian Pasek Dangka Selisihan



Nyoman Wijana I Wayan Sumeken